Kralendijk – Tourism Corporation Bonaire (TCB) a selebrá su di 30 aniversario riba 17 di yüli 2021. Pa e gran logro aki, TCB a krea un video ku ta demostrá e kresementu di turismo di Boneiru.

Boneiru a konservá su outentisidat kual ahinda por mira rònt di Boneiru den presente. E video aki ta ilustrá e atributonan importante manera, Fort Oranje, Mangazina di Rei, ‘Slavenhuttjes’, Salt Company, Ofisina di Turismo i mas, kual a bira lugánan popular i turístiko awendia. Tambe a inkluí nos komunidat lokal i tambe nos turistanan. Mas importante ta, ku TCB a presentá su representatenan kende ta e mekanismo di maneho pa añanan largu i tambe di awe.

Ku e video aki nos ke honra e pioneronan di nos sektor turístiko, kende a hasi esaki posibel i a habri nos wowonan pa oportunidatnan nobo. Pabo lansa, tin bes mester para ketu i regresá na e orígen. Nos ta gradisido pa kaminda nos ta awe, pero ku un wowo skèrpi riba futuro.

TCB ke gradisí tur partnernan i nos komunidat (lokal) kende a kere den nos tur e añanan i ku a sostené kaminda tabata mester. Awor aki ta ora pa visualisá i manifestá e asombroso dianan binidero. E biahe ta kontinuá i nos tambe.

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Prevení Zika, Dengue i Chikungunya
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei