WILLEMSTAD – E próksimo kuater simannan tráfiko riba rotòndenan di Bulevar Helmin Magno Wiels mester tene kuenta ku lo desvia tráfiko. Kontratista Aliansa ta bai kuminsá riba 1 di mart ku trabounan di mantenshon.

Lo bai drecha Peruweg pariba di e rotònde na de Savaan tambe parsialmente, pasobra e ta den hopi mal estado. E trabounan ta kuminsá na Hòfi Bil.

Promé ta kuminsá ku e rotònde na Veeris, despues e rotònde na de Savaan i por último e parti di Peruweg.

Kontratista Aliansa ta traha entre 7’or di mainta i 4’or di atardi riba e kaminda. Lo indiká e desviashon ku bòrchinan di tráfiko i ‘kegels’.