UTRECHT – Curaçao Tourist Board CTB a laga públiko sera konosí ku karnaval di  Kòrsou riba Bolsa di Fakansi Hulanda. Un òptògt di karnaval mini ku personanan bistí ku nan trahe karnavalesko i akompañá pa un banda a marcha riba e bolsa.

CTB ta presente e luna aki na e Bolsa di Fakansi 2023 huntu ku diferente sosio di e sektor privá. E aña aki CTB a pone un trùk di pan kolorido pafó na e entrada, kaminda tur bishitante di e bolsa por a pasa pa purba snèknan típiko di Kòrsou i un pan ku karni stobá.

E bolsa di turismo ku un durashon di sinku dia a kuminsá ku un kongreso di biahe riba e promé dia i e di dos dia tabata den kuadro di agentenan di biahe, prensa i negoshantenan.

E último tres dianan di e bolsa ta habrí pa konsumidónan ku ta bishitá e bolsa spesialmente pa haña inspirashon pa nan próksimo biahe. E stènt di Kòrsou tabatin e aña aki un tim di 25 representante di entre otro diferente hotèl i skol di buseo.