KRALENDIJK- Union Patriótiko Boneiru (UPB) i Movementu di Pueblo Boneriano (MPB) djarason atadi a firma un akuerdo di governashon nobo. 

Den e Konseho Insular nobo, UPB lo tin dos diputado, mientras ku MPB lo tin unu. Hennyson Thielman ta sigui komo diputado, pero ku un kartera nobo di Espasio i Desaroyo, ku ta responsabel pa entre otro infrastruktura. 

James Kroon tambe lo sigui komo diputado, pero ku e kartera Sosial, kartera ku te na e momentunan aki Elvis Tjin Asjoe tin. E di dos diputado pa UPB ta bira e talento nobo Jolinda Craane, ku lo tin e kartera di Finansa i Ekonomia, ku Thielman tabata tin te asina leu. 

Hopi kontentu

E partidonan ta parse hopi konentu ku e akuerdo ku a yega. Diferente personahe tras di e akuerdo nobo, manera Ramoncito Booi i Elvis Tjin Asjoe a vosiferá esaki. Tambe partidonan a bisa ku awor ta tempu pa bai sigui traha pa Boneiru, despues di un temporada relativamente turbulento.