KRALENDIJK- Despues di a dialogá ku otro i tambe buska konseho hurídiko direktiva di USIBO i direktiva di Piskabon a yega na un akuerdo di koperashon. Esaki tin komo base e echo ku ámbos  organisashon ta move riba tereno sosial, i ku nan tin áreanan di interes komun.

E dos organisashonnan  ke ta solidario i ku laso di hermandat i ku riba tereno makro sosial i ekonómiko no ta eksistí frontera di separashon.

Komo parti di e akuerdo, e e dos organisashonan lo kompartí konosementu i eksperensha pa logra un éksito di e industria peskero na bienestar di e piskadó i su famia en partikular i na bienestar di komunidat boneriano en general.

E protokòl a keda firmá di parti du Usibo pa Angelo Vrolijk, vise-presidente na nòmber di presidente Mavis Abrahams i Ernst Delannoy, presidente di Piskabon. 

Grupo di trabou

Awor lo instituí un grupo di trabou miksto konsistiendo di USIBO i PISKABON ku e meta pa dentro di tres luna i pa mas tarda 31 di òktober 2024 reportá na e direktiva di USIBO i PISKABON konkretamente riba kua arianan e dos organisashon nan por duna otro asistensia.