KRALENDIJK—Despues ku djasabra siman pasá, venezolanonan a reuní na grupo grandi i a firma un karta, awe djaweps nan representante a entrega esaki. Carlos Lopez Natera, e persona na kabes di e organisashon, a bai na ofisina di representante di reino Jan Helmond i a entrega e karta. 

E tabata kompañá pa 3 persona mas. Na e okashon despues ku Carlos Lopez Natura a entrega e karta el a bisa prensa: “Nos ta masha kontentu kon representante di reino i su tim a risibí nos. Nos a entregá e karta i meta di esaki ta pa ekspresá nos apoyo pa e situashon ku e venezolanonan ta bibando aya na Venezuela. Representante di reino no por tuma desishon, pero importante ta, pa e hiba e karta pa ministerio di relashonnan na Hulanda. Nos ta spera di kontinuá i tin e apoyo di reino Hulandes. Siman pasá nan a firma na repúblika Dominikana, pasobra Hulanda ta ku demokrasia. Nan ke demokrasia i ta respetá desishon di pueblo, Lopes Natera a bisa.