Kralendijk – Resientemente Water- en Energiebedrijf Bonaire N.V. (WEB) a hasi renobashon di su kurá na e planta di awa na Hato i a pone un obra di arte na memoria di Marlies van der Kouwe†.

Den e lunanan tras di lomba, WEB N.V. a hasi renobashon di e kurá ku ta pasa rondó di e planta di awa na Hato. Pa por a hasi esaki posibel, WEB mester a deshasí di un palu di indju ku tabata morto pa basta tempu kaba, pero tabata wantá ainda dor di e kurá ku tabata pasa rondo di dje. E palu aki tabata tin un balor sentimental pa e famianan di Marlies van der Kouwe† ku a pèrdè su bida e anochi di 20 pa 21 di sèptèmber 2008 na e sitio aki.

Teniendo kuenta ku e sitio aki tabata kaminda famianan a keda rekordá e defuntu, WEB N.V. a tuma kontakto ku mayornan di Marlies van der Kouwe† promé ku a deshasí di e palu. WEB N.V. a opta pa uza partinan di e tronkón pa traha un obra di arte na memoria di Marlies van der Kouwe.

Famianan ta agradesido na WEB pa e manera respetuoso ku a atendé ku konmemorashon di nan kerido Marlies.

---

Lesa tambe:

• 
  Pagabon Upgrade
• 
  Vakatura Bakker
• 
  OLB ta kuminsá eksplorá snèk saludabel pa mucha na Kolegio San Luis Bertran
• 
  No tin sufisiente klaridat ainda di ‘promé stapnan’ na lèntfel Boneiru despues di intervenshon di Hulanda
• 
  Tourism Corporation Boneiru satisfecho ku partisipashon na DEMA Diveshow