KRALENDIJK – No ta nesesario pa menshoná informashon di banko riba e formulario ku mester yena pa por buska e Karnèt di kuido nobo.

Esei Kuido i Hubentut Karibe Hulandes (ZJCN) ta bisa djaweps kontestando preguntanan di Bonaire.nu. Bonaire,nu a ripará, meskos ku hopi siudadano, ku tabata straño ku riba e formulario ta pidi informashon di banko di aseguradonan, mientras ku den mayoria kaso nan no ta nesesario. Ademas e menshon di informashon di banko, sigur den kombinashon ku asuntunan manera nòmber kompleto, number di identifikashon i fecha di nasementu, ta trese riesgo kuné ku informashon delikado por lèk tambe.

“Loke ta mas importante pa aklará ta ku suministro di informashon di banko no ta un eksigensia pa haña e karnèt di kuido. Un asegurado mester bini si ku su sédula komo prueba di identidat”, Komunikashon di RCN ta skirbi ABC Online Media.

Tambe ta remarká ku e kuenta di banko ta partikularmente importante na momento ku mester hasi pagonan na e aseguradonan. Segun e kompania di seguro di kuido ta asina si ku si ta dispone di datonan aktual esei por hasi e prosesonan mas fásil pa aseguradonan.

Lei di privasidat 

Finalmente Komunikashon di RCN ta skirbi na nòmber di ZJCN: “Ta importante ku ta evaluá prosesonan rondo di kompilashon di data, di akuerdo ku e lei di privasidat BES vigente. Esaki ZJCN ta hasi i lo trata e pregunta di Bonaire.nu sigur.