DEN HAAG – A deklará e empresa deportivo di bèt onlain 1XBet/1XCorp tòg bankrut. E Prokuradó General di Korte Supremo a konkluí esei anteriormente, Korte Supremo a aseptá e konklushonnan.

Korte den Promé Instante a deklará 1XBet, propiedat di 1XCorp, na 2012 bankrut pa motibu di no tabata presente, pero a oponé ku éksito kontra esaki. E Fundashon Defensa di Partidonan Perhudiká di Weganan di Plaka Onlain, SGBOK, a apelá despues i a haña rason.

Despues 1XCorp a bai kasashon, pero e sentensia den korte di apelashon ta keda para: e petishon pa bankrut basá riba un demanda di SGBOK di mas ku un mion i mei florin i diferente demanda di sosten tabata tòg hustifiká.

Grootste bettingbedrijf

1XCorp ku di orígen ta di Russia ta operadó di 1XBet i diferente otro empresa deportivo di bèt onlain i kasino. E empresa tin un suplisensia na Kòrsou di Cyberluck ku no ta basá riba lei i no ta regulá pa lei i ta e empresa deportivo di bèt onlain mas grandi na mundu, ku mas ku 1800 sitio di wega di plaka rònt mundu.

E ofisinanan di trùst Carmanco i Global Related Services tabata hiba e maneho te ku resien. E atministradó hudisial ta tene tantu Cyberluck (Curaçao Egaming) komo e gerentenan aki responsabel pa e bankrut.

SGBOK

SGBOK a pidi e bankrut di 1XCorp na 2021. A perhudiká un gran kantidat di hungadó di wega di plaka na momentu di hunga plaka onlain riba e sitio wèb di 1Xcorp; no a paga nan. SGBOK a bai huisio pa nan.

Den korte di apelashon e fundashon por a kombensé e wes ku realmente e ta akreedor i ku tin mas ku tin demanda riba e empresa di wega di plaka.

Korte Supremo no ta mira pakiko e sentensia lo mester kai chikí den kasashon. Enbèrdat tabatin mas debe ku no a paga, manera demandanan di Servisio di Impuesto i SVB di mas ku dos mion florin, siguí pa djesocho hungadó perhudiká ku demanda di kasi un mion florin i mei.

Pa dikta un empresa bankrut e eksigensia ta ku e debedó, 1XCorp, a stòp di paga, es desir ku e no ta paga su debenan i segun Korte Supremo ta sufisiente kaba si e no ta kumpli ku ún demanda eksigente.

Ku 1XCorp si ta paga ainda selektivo otro debenan òf ku e tin sufisiente plaka ainda den kaha, no ta stroba pa dikta e empresa bankrut.