WILLEMSTAD – Djarason anochi wardakosta a interseptá un boto chikitu ku 43 persona na bordo sin dokumentu. Aparentemente nan kier a drenta Kòrsou ilegal.

Na yegada di dos Metal Sharks di Wardakosta a resultá ku ta trata di un boto di e tipo ‘Yola’. Tur 43 persona na bordo no tabatin dokumentu huntu ku nan i a hiba nan e base na Parera pa kuminsá un investigashon. 

Entre e 43 personanan tabatin 37 adulto, di kua nuebe tabata hende muhé. Tambe tabatin seis menor di edat, tres mucha hòmber i tres mucha muhé. Segun Wardakosta tabata remarkabel ku bou di e menornan di edat tabatin un mucha di shete aña, un mucha di djesdos aña, dos mucha di djeskuater aña i dos di djesshete aña.

42 di e personanan na bordo tabatin nashonalidat Venezolano, un tabatin nashonalidat Colombiano.