ORANJESTAD- Djaluna Rechelline Leerdam a huramentá komo e diputado nobo den Konseho Insular di St. Eustatius. Leerdam ta remplasá anterior diputado Arlene Spanner-Schmidt. Spanner-Schmidt a wòrdu mandá kas pa su mes partido djaweps siman pasá durante un reunion algu tumultuoso.

Leerdam tin hopi eksperensia komo miembro di Konseho Insular di St. Eustatius. Ademas, e ta sirbi komo lider di Partido Progresivo Laboral (PLP) pa algun tempu kaba. PLP tin un mayoria den Konseho Insular ku tres di e sinku asiento, dunando nan e poder di forma e Kolehio Ehekutivo

Kolegio ehekutivo di St. Eustatius awor ta konsistí di gezaghèber Alida Francis, diputado Reuben Merkman (PLP), i Rechelline Leerdam (PLP).

Aprobashon

Ounke no tur hende tabata kontentu ku e manera poko seremonioso ku Spanner-Schmidt a wordu eliminá siman pasá, e nombramentu di Leerdam por konta riba apoyo konsiderabel na St. Eustatius. 

Leerdam tambe a risibí sosten konsiderabel den Konesho Insular, tantu di su mes partido komo di partido opositor, Partido Demokrátiko (DP).