KRALENDIJK – Durante e Ocean Oasis Madness Brunch, djasabra último na Ocean Oasis Beach Club, a rekoudá un montante di shete mil sinkushen dòler pa Fundashon Ambulans Deseo Boneiru. E fundashon ta realisá deseonan di personanan hopi malu o ménos movibel na Boneiru. 

E sirena di e ambulans a marka e komienso di e akshon di rekoudashon, mientras a laga blasnan simbóliko bai laira. Kada blas tabata simbolisá un deseo, un rekuerdo tangibel di e kontribushon di e donantenan. “Nos meta ta pa hasi tempunan difísil un tiki mas bunita,” segun e direktiva.

Resientemente e fundashon a realisá su promé deseo. Erwin Muller di 64 aña, ku pa motibu ku e ta paralisá no ta movibel mas, a eksperensiá un dia yen di momentunan spesial, manera landa den laman i un rekorido kantu di kosta sùit. Boluntarionan a hasi esaki posibel i kompletamente gratuito.

Bo por haña mas informashon i posibilidat pa donashon na  www.fadb.nu.