KRALENDIJK – Bonaire Human Rights Organization (BHRO) a manda un karta habrí pa gezaghèber John Soliano, kaminda nan ta ekspresá nan preokupashon riba e aktividatnan resiente di Greenpeace na e isla.

Segun BHRO, Greenpeace a enfoká riba e populashon lokal vulnerabel durante e añanan resiente sin sufifisiente partisipashon di komunidat i ekspertonan di Boneiru.

Presidente James Finies di BHRO ta enfatisá ku Greenpeace no ta traha huntu ku hopi organisashonnan die medio ambiente lokal ku tin hopi aña ta protehá e ekosistema di Boneiru. “Na lugar di esaki, nan ta usa un chikí grupo di siudadano vulnerabel,” segun Finies.

BHRO ta hasi yamada pa mas transparensia i koperashon di parti di Greenpeace i ta pidi ku gobierno lokal eksigí rekonsimento di responsabilidat di e organisashon. E karta ta indiká ku Boneiru a pasa hopi kambio demográfiko i kultural ku ta pone preshon riba e populashon lokal.

Dañino

E akshonnan di Greenpeace ta wordu warda komo engañoso i dañino pa e interesnan i soberania di Boneiru, segun BHRO. “Ta inaseptabel ku un organisashon ta eksplotá e populashon lokal pa nan propio agènda,” e karta di BHRO ta konkluí.