Den hèrfst, Dienst Uitvoering Onderwijs (DUO) lo habri ofisinanan temporal na Aruba, Kòrsou i Boneiru pa hiba kombersashonnan ku futuro studiantenan i èks-studiantenan. Tambe, DUO ta organisá enkuentronan di informashon i ta ofresé asistensia personalisá. Abitantenan di islanan ariba ta haña e oportunidat pa papia ku un empleado di DUO via chat i via yamadanan di vidio. 

Ofisinanan di servisio 

Di promé pa 26 di novèmber, DUO lo habri un ofisina temporal na Aruba i Kòrsou. Futuro studiantenan i esnan ku mester paga bèk por bishitá e ofisina aki sin mester tin un sita pa asina hasi tur preguntanan ku nan por tin tokante fiansa di estudio i pagamentu bèk di debe di estudio. Na Boneiru, e ofisina di servisio temporal lo ta habri di 29 di novèmber pa 10 di desèmber. Abitantenan di islanan ariba ta haña e oportunidat pa papia ku un empleado di DUO via chat i via yamadanan di vidio.

Informashon 

Durante bishitá pa e region di Karibe, DUO tambe lo organisá enkuentronan di informashon pa futuro studiantenan i èks-studiantenan ku mester kuminsá paga bèk. Esnan ku no por asistí na e enkuentronan, por registrá pa un webinar ku e mes un kontenido.  

Asistensia personalisá

DUO lo ke yuda evitá ku èks-studiantenan ta haña nan mes den problemanan finansiero. Pa e motibu aki, èks-studiantenan ku tin un retraso den nan pago na DUO lo haña un último oportunidat pa evitá un traslado pa un agensia di kobransa. Algun di nan a haña un oferta pa un areglo di pago. Otro nan lo haña un invitashon di DUO pa papia ku un empleado pa asina yega na un solushon personalisá.

Pa mas informashon?

Bo por haña mas informashon tokante e lokalidat i e orarionan ku e ofisinanan di servisio temporal ta habri i orarionan di e enkuentronan di informashon riba duo.nl/ bezoekantillen.