THE VALLEY- E kompania Blues & Blues, ku a keda selektá pa gobiernu di St. Eustatius ku Saba pal ansa un servisio di fèri, a hasi un proposishon na gobièrnu di e dos islanan pa loke ta trata e skèdjùl pa e transporte via di laman. 

Meta di e fèri ta pa konektá Saba i St. Eustatius ku otro, pero tambe ku St. Maarten. Doño di e kompania, Samuel Connor, ta bisa ku ta studiando tambe opshonnan pa konektá e islanan aki tambe ku Anguilla i St. Barths. 

“Nos lo tene kuenta ku hende ku lo ke bai St. Maarten bin den un solo día. Pesei nos lo sali mainta trempan for di St. Eustatius i Saba, i regresá den oranan lat di atardi for di St. Maarten”, asina Connor a bisa. 

Gobièrnu di Hulanda ta bai supsidiá e servicio di fèri ku dos mion di euro pa un periodo di inicialmente dos aña.