KRALENDIJK- E sindikato ABFBW djabièrne a gana e referendum na e kompania di maneho di sushi, Selibon N.V. di forma basta konvinsente.

Di e 66 hende ku por a vota, 44 empleado a skohe pa AFBW i 22 a skohe pa ABVO. Esaki ta nifiká ku entrante awe ABVO lo no representá e trahadónan di e kompania mas, i awor AFBW lo asumí e ròl ei. E referendum ta pone un fin na un periodo basta turbulento, kaminda ku for di basta dia AFBW a pone su mes riba e punto ku e ta representá mayoria di e empleadonan. Selibon, na su turno, a bisa ku e lo ke mira esaki konfirmá pa un referendum.

Banda di 3 ‘or i mei a kaba di konta e votonan, ku e resultado manera menshoná akiriba. Presidente di AFBW, Cherrel Kwidama a bisa ku ela keda impresioná ku e resultado. “Tremendo, esaki so mi por bisa”, asina Kwidama a bisa. E presidente a mustra tambe riba e echo ku e sindikato ta bai kumpli 44 aña di eksistensia den novèmber benidero, i awor ta resultá ku 44 empleado di Selibon a vota pa e sindikato.