Kralendijk- Definitivamente e app hulandes Corona-Check App lo bai konta pa islanan BES tambe. Esaki dr. Marian Luinstra a konfirma den konferensia di prensa di entidat públiko djaweps mainta.
Segun Luinstra, ainda tin sierto trámitenan tékniko pa asigurá ku residentenan di Boneiru, St. Eustatius i Saba tambe por usa e app pa sea mustra resultado di un tèst i komo prueba di bakunashon. Te asina leu, residentenan di e islanan ABC tin ku biaha ku nan karchi di bakunashon original, pa por biaha sin problema i sin nesesidat di pasa tèst.
E problema ta sinta prinsipalmente ku e App hulandes ta funshoná ku e asina yamá Burger Service Nummer (BSN) i DigiD ku ta manera un identidat digital, ku residentenan di islanan BES, por ehèmpel, no tin. Aktualmente ta trahando tras di kòrtina pa asigura ku residentenan di e islanan aki tambe por registrá den e app.
Playstore
Mester remarká ku te asina leu residentenan na BES no por sikiere download òf instalá e App riba nan telefon. Esnan ku ta purba esaki ta haña e mensahe ku e App no ta disponibel den e region aki. Kon ta bai solushoná e parti aki, ainda no ta konosí.
Trahadónan di brantwer a protestá retiro di kolega
Delegashon di senado hulandes a bishitá luga di haf nobo na Saba
Ya no mester bai den karentena ora yega Boneiru for di Amerika Latina
Akshon konhuntu mester kondusí na un Boneiru muchu mas limpi
