KRALENDIJK- Resientemente, Biblioteka Públiko Boneiru a organisá e evento ‘Yu sin doló: Un Diálogá habrí’ na hotèl Corallium. E evento aki a trese e komunidat di Boneiru huntu pa un diálogo profundo tokante e nifikashon di lante un yu ku no ta bo yu, o sea e yu di kriansa. 

E evento a ser organizá pa Biblioteka Públiko Boneiru i ku sostén di e entidat públiko Boneiru (OLB) i Ministerio di Ensenansa, Kultura i Siensia (OCW).

Durante e evento, partisipantenan a kompartí nan eksperiensia i a tende fragmentu di podcast ‘Kweekje’ di Nicole Terborg. Mimi Frans i Shaedra Baromeo a papia i a kontestá pregunta for di nan propio eksprensia i esaki a kondusí na un interlambio balioso di historia i konseho.

Sikiatra di mucha Eugenie Curiel tabata presente pa bisa mas tokante e aspekto sikológiko. E a enfatisá ku mucha mester sa dikon hopi biaha mayornan konfía nan kresementu na otro hende, i ku e sintimentu di rechaso i tristesa ku esaki por trese serka e yu. 

Diáspora Afrikano

E evento ta marka un promé paso pa yega na mas konosimentu di nos diaspora Afrikano i historia komun. Biblioteka ta hasi un yamada na otro organisashon di kultura i komunidat pa traha huntu pa e komunidat di Boneiru.