KRALENDIJK- Diputado Nina den Heyer, ku entre otro Salubridat Públiko mes tambe a tèst positivo pa e virus di Corona. Esaki e diputado a komuniká riba su profil di Facebook. 

“Aunke mi tabata ke tin un par di dia liber sí, tòg mi tabata tin algu otro den mi mente”, asina Den Heyer a skibi. E diputado, despues di su tèst positivo, mesora a bai den isolashon. 

Den Heyer a enfatisá ku tur hende por wòrdu infektá ku e virus, sea ku nan ta bakuná òf nò. 

Delta

For di dia di introkshon di e variante Delta riba nos isla, por ripará ku e kontagionan ta tuma lugá mas lihé i e virus ta mas difísil pa kontené.

Tambe mester konstatá ku actualmente gran mayoría ku ta tèst positivo, ta ekserensiando síntomanan hopi leve, mane doló di kabes, doló di garanta òf nanishi k uta kore. 

Ounke bakunashon no ta prevení por kompletu ku hende por pega, gran mayoría di esnan ku ta resultá na hospital pa motibu di komplikashon ta hendenan no bakuná i esaki ta spesialmente e kaso, ora tin otro faktornan ku ta kontribuí manera sobrepeso i tambe hendenan ku ta diabétiko.