KRALENDIJK – E poliklínika pa malesa infekshoso di Fundashon Mariadal a lansa un kampaña eksitoso na Boneiru, den kolaborashon ku SOA-Aids Hulanda, pa promové konsientisashon tokante HIV.

E aktividatnan, ku a inkluí un dia habri, un konferensia ku ekspertonan di e region i un pasadia konsenshi inspiradó, a atraé hopi interes.

E kampaña a enfatisá e importansha di konosimentu tokante HIV i e nesesidat pa kibra stigma. Prinsipalmente e prinsipio N=N: No detektabel = No trasmibel. Esaki ta nifiká ku un persona ku HIV ku ta sigui su tratamentu korektamente, no por trasmití e virus via kontakto seksual.

Mas tèst

E organisashon ta hasi yamada pa mas tèst, mihó aksesibilidat na kuido médiiko i pa redusí e stigma. Na 2025, e kampaña lo ta espandé ku mas enfoke riba hubentut i partisipashon di komunidat. Huntu, Boneiru ta traha pa un futuro mas salu sin stigma.