KRALENDIJK–Djasabra 2 di aprel, tabatin kompetensia di ‘drift’ ku motosaikel na APEM, ku a karga e nòmber ‘Jacky Circuit’. Hopi hende a bai na e sitio pa presensia e show. 

Fanny Mercera a organisá e aktividat i el a risibié diferente spònser pa a hasi e aktividat posibel. Rovienne (Pachunga) Miguel, tabata e persona kende a prepará e flur pa e aktividat. Ta trata di un persona ku bon konosementu den e materia. Bop Kanal, a sobresalí riba e otro kompetidónan i mester bisa ku un bia mas, e hóben di 15 aña, Sheldion Nicolaas, a yega na di 2 lugá. 

Un hóben ku tin e deporte hopi na serio i huntu ku su tata, e ta praktiká ku regularidat. Na di 3 lugá tabata Turi i 4 lugá Harambe. Fanny Mercera ta kontentu i ta gradisí esnan ku a koperá. Esaki sigur ta yuda pa baha e ponementu di fever riba via públiko i hasimentu di bochincha ku entre otro motosaikel den sentro di suidat. Por praktiká na e sitio i kompetí, sin molestiá niun hende. Fanny a bisa keda pendiente pa e di 2 edishon ‘Jacky Circuit’ pronto.