ORANJESTAD – Gobernador Lucille George-Wout di Kòrsou a bishitá Sint-Eustatius pa un bishit di trabou kòrtiku riba djamars. 

Na su yegada na aeropuerto mainta tempran, Komisario Alida Francis a yama bon biní na Gobernador George-Wout, su kasá Herman George i otro miembronan di e delegashon. Despues di e bon biní e bishita a sigui ku un parti mas ofisial na ofisina di gobièrnu na Van Tonningenweg.

E gobernador i su delegashon tambe a bishitá e núkleo históriko di Oranjestad, e parke solar di St. Eustatius Uitlity Company (STUCO) i e sentro di operashon di emergensia, promé ku nan a bandoná e islanan atrobe den oranan di anochi tempu. 

Amistoso

E bishita ta suprayá e relashonan amistoso no solamente entre e islanan Kòrsou i St. Eustatius, pero tambe a un nivel mas personal entre Gobernador George-Wout i e futuro gezaghèber di e isla, Alida Francis.