KRALENDIJK- Kaya Gobernador Debrot lo no wòrdu asfaltá (ainda) despues ku esaki ta wòrdu drechá pa evitá ku awa di laman ta sigui subi tera. 

E situashon den añanan ku a pasa a empeorá kada bes mas, oke ta pone hopi doño di outo konsumí nan alma, pasombra hopi biaha no tabata tin ningun manera pa evitá korementu den e awa salu di laman, ku ta sumamente dañino pa vehíkulo. 

Den último 10 dia tras di lomba, a hisa e nivel di e kaminda. Awor ku e kaminda a wòrdu elevá sinembargo lo no pone kapa di asflat riba dje, pero ta poniendo klenku na e sitio. 

Rehabilitashon

Por konsiderá e trabounan aktual komo trabou di emergensia. Despues lo bin un rehabilitashon kompletu den Kaya Gobernador Debrot, aunke lo ehekutá esaki den diferente etapa, segun e plan ku gobièrnu a kompilá pa yega na un rehabilitishon di e infrastruktura.