KRALENDIJK – Despues di un periodo di algun aña di sosiegu, Kiri Thode (34), anterior kampeon windsurf freestyle, ta hasi su comeback den e mundu profeshonal di sùrff. Den e periodo di 2007-2015 e tabata konstantemente riba e podio. Na 2013 el a optené e título den Kampeonato Mundial. E aña benidero Thodé ta bai hasi un intento nobo den direkshon di e título aki.

Kiri Thode a nase na Boneiru i a lanta ku windsurf. For di su sinku aña e tabata riba planki i ku su djeskuater aña el a bira profeshonal. For di 2007 te 2015 mi tabata konstantemente den e tòp tres di mundu den windsurf freestyle,” Thode ta konta. Apesar di e éksitonan aki el a sinti e nesesidat na aña 2017 pa hasi un paso atras. “E produkshon di plankinan no tabata bon i un di mi mihó amigunan a muri e aña ei. Mi tabatin mester di tempu pa mi mes.” 

Thode a disidí di dirigí su mes riba un otro hòbi ku por siertu ta piskamentu. Un pashon ku el a bin kuné for di kas. “Mi ta bini di un famia piskadó i gusta piska i relahá. El a dunami e sosiegu ku mi tabatin mester di dje,” segun Thode. “Mi tin plannan pa un boto nobo i ta spera di bai piska serio atrobe. E aña aki e enfoke ta bèk na e pashon ku mi a laga mi tras algun aña pasá”.

Kiri Thode ta bai konsentrá su mes e aña aki atrobe riba e parti freestyle.

Thode ta reanudá sùrf-freestyle atrobe

Despues di un ousensia di algun aña ta parse ku e deporte di windsurf ta keda atraé Thode ainda. Ta parse ku e ta kla pa un desafio nobo. “E aña aki mi ta bai kompletamente atrobe pa freestyle. Mi ta partisipá na e kompetensianan PWA (Professional Windsurfers Association) na Spaña (Fuenteventura) i Alemania (Sylt) i mi ta spera di yega tòp atrobe,” e ta splika entusiasmá. Tambe Thode ta partisipá e aña aki na e Kampeonato Europeo, ku kompetensianan den entre otro Gresia i posiblemente Hulanda.

Hopi sùrfdo Boneriano riba nivel profeshonal

Boneiru tin mas sùrfdó ku ta aktua riba e nivel mas haltu di mundu. Banda di Kiri Thode sùrfdónan-PWA manera Taty Frans, Youp Schmit, Amado Vrieswijk i Nigel Hart tambe ta sùrf riba e nivel mas haltu. Lástimamente e disiplinanan di sùrf ku nan ta sali p’e no ta Olímpiko. Pa e kompetensia-PWA e sùrfdonan por presentá Boneiru. Ora nan ke sùrf Olímpiko, nan lo mester skohe pa sali pa Hulanda. Ta mira PWA komo un kompetensia fuerte. No solamente e parti di freestyle ta na órden. Slalom (aña pasá Vrieswijk a gana un medaya di plata) tambe ta parti di e kompetensia-PWA.

Kiri Thode  ke purba bira kampeon mundial na aña 2025 

Foto: Chudadejong

Entrená ku Youp Schmit

Thode ta entrená na e momentu aki intensivo pa haña su abilidatnan atrobe riba nivel. “Youp Schmit tabata semper mi kompañ’é di entrenamentu. Nos ta pusha otro pa bira mihó. Ta agradabel pa tin e kompañé di entrenamentu aki,” segun Thode. E sùrfdó desidido ta bisa lo siguiente di esaki: “Na e momentu aki nos ta purba di trein mas tantu na kosta wèst di Boneiru. Banda di Red Slave e olanan ta komparabel ku e promé kompetensianan na Fuertaventura. Nan ta olanan kòrtiku. Huntu ku Youp nos ta purba di prepará nos mes óptimal pa e kampeonato mundial e temporada aki. E aña aki ta un aña sabátiko, pero otro aña mi ta bai serio pa e título”.

Kiri su triki favorito ta e Air Bob Culo

Thode su spesialidat 

Riba dianan ku tin hopi bientu ta bale la pena pa bai Sorobon. Tambe pa personanan ku no konosé e deporte di sùrf. Ta mustra e públiko ehersisionan spektakular den awanan di Bahia di Lac. Sinembargo ta keda un misterio pa hopi hende kua trikinan presisamente e sùrfdonan ta efektuá. Pa Thode tin un ehersisio kaminda e tin gana di ta e mihó. Kiri Thode ta bisa ku su mihó ehersisio di sùrf ta e ‘Air Bob Culo’. “E ta mi triki favorito”, segun Thode. “E ta un sentimentu spesial ora bo ta hasi e salto bon. E ehersisio ta eksigí ku bo ta super rápido i ku bo por bira fásil tambe. E tin dos salto tras di otro. E ta un ehersisio ku ta otro ku otro ehersisionan. P’esei hopi profeshonal no por hasi’é bon tampoko. E ta un téknika spesial, ku mi ta bai demostrá e aña aki na e kampeonato mundial”.

E sùrfdónan Boneriano lo ta na Buenaventura di 25 di yüli te ku 3 di ougùstùs. Di 27 di sèptèmber te ku 6 di òktober nan lo ta na Sylt.