E aña akí henter Kolegio Ehekutivo ta partisipá na e kongreso di Asosiashon di Munisipionan Hulandes (VNG). 

E munisipionan Alphen aan de Rijn, Gouda i Woerden, meimei den Kurason Bèrdè (Groene Hart) di Hulanda a organisá e kongreso ku komo tema ‘Forsa di imaginashon’. Ku e tema akí e Asosiashon di Munisipionan Hulandes (VNG) ta spera di inspirá gobernantenan pa hasi uso di nan forsa di imaginashon komo motor pa kambio.

Ku un kantidat rekòr di bishitante di mas ku 3200 gobernante i den un temperatura trópiko, por a partisipá na vários presentashon i seshon. Tabatin oportunidat tambe pa hasi trabou di ret i kòmbersá ku e presentenan. Ku mensahenan importante di entre otro e anterior Rijksbouwmeester Floris Alkemade i un minikolegio di neurosikólogo Eric Scherder, a splika nos ku e deseo pa un mihó futuro ta kuminsá ku hasimentu di eskoho awe. Sea ku bo ke un siudat salú òf bo ke bira grandi na un manera salú, bo tin ku hasi eskoho i sigur sigui kumpli ku esakinan. 

Move mas

“Bira grandi na un manera salú ta enserá pues ku nos tin ku stimulá nos muchanan pa move hopi mas. Hunga pafó hopi mas. Esaki no ta solamente bon pa desaroyo di nan serebro, pero e ta sòru tambe pa nan krese den un forma mas intensivo i mas vital”, asina diputado Den Heyer a komentá.