KRALENDIJK- Djasabra mainta a tuma lugá na Museo Chich’i Tan di Rincon, presentashon di un buki mas pa mucha na Papiamentu ku e titulo Papi tin kolibri’. E buki aki ta un buki di kuenta ku ta basá riba un suseso real. Ta pa medio di un kuenta, outor Denise de Jongh-Rekwest ta purba pa e muchanan siña algu mas di nos kultura.

“Kultura di un pais ta mashá importante pa formashon di identidat di un pueblo. Ta p’esei ta bon pa for di tempran nos muchanan sera konosí ku mas aspekto di nan kultura ku ta diferente for di esnan konosí manera entre otro nos kumindanan i nos bailenan típiko” asina De Jong-Request a bisa.

Meta

Segun e outor, e buki akí su meta ta pa na promé lugá laga prinsipalmente nos muchanan sera konosí ku un pida mas di nos kultura i na di dos lugá mantené nos kultura bibu. Den e kaso aki e buki ta duna atenshon na hendenan ku tin un don

Un danki spesial di e outor ta bai na patrosinadó prinsipal Cargill i kopatrosinado Selibon ku a hasi e produkshon aki posibel.