WILLEMSTAD/KRALENDIJK- E promé avion djèt di e tipo Embraer 140 ku e kompania di aviashon Z Air lo tuma den servisio ta kedando kla. Mientrastantu a spuit e avion kaba den kolónan di Z Air. 

Segun Awor.nu por komprondé di direktor di Z Air, René Winkel e preparashonnan ta kanando hopi bon. “Semper tumamentu di un avion nobo, spesialmente di un tipo nobo, ta tuma su tempu, ya ku mester asigurá ku e avion ta den un kondishon perfekto, pero ademas e organisashon tambe mester ta kla p’e”.

Esaki ta konta pa e pilotnan, pero tambe pa personal di kabina i -hopi importante- e departamentu di mantenshon. 

Algun siman

Winkel a bisa ku ainda no tin fecha konkreto ku e promé avion nobo lo sali bin Kòrsou, pero ta fèrwagt ku esaki ta dentro di algun siman. Mientrastantu, e di dos avion di mesun tipo tambe a drenta e proseso di mantenshon i pintamentu.