DEN HAAG- René Bagchus lo bira e direktor nobo di Relashonnan di Reino/Karibe Hulandes, entrante promé di novèmber 2021. 

Bagchus ya ta trahando na e departementu di Asuntonan Interior i asuntonan di Reino, kaminda e ta dediká su mes na mehorashon di servisio na habitante di e islanan. Entre yüli di 2020 pa yüli di 2021 ela traha tambe riba e medidanan den lus di Covid-19 i alabes ela yuda ku organisashon di elekshon pa parlamentu hulandes. 

Henk Brons, direktor general na Asuntonan di Reino, ta kontentu ku e nombramentu. “Ku su eksperensia ekstensivo na vários ministerio, René por kontribui hop na e esfuersonan na Den Haag pa loke ta trata Boneiru, Saba ku St. Eustatius. 

Paso

Bagchus mes tambe ta positivo. “Mi ta entusiasmá pa, huntu ku mi koleganan ámbos na Hulanda i na Karibe Hulandes traha riba e retonan ku tin na e islanan. Mi ta konsiente tambe ku ainda falta hopi paso, ora ta trata di kosnan atministrativo, pero tambe kosnan sosial”. 

Bagchus ta bisa di ke traha duru pa ku e residentenan di e tres islanan karibense, sinti un diferensia den nan bida. “E pensamentu ei ta duna mi hopi energia”, asina e direktor nobo a bisa.