KRALENDIJK – Djamars atardi Diputado Nina Francees-den Heyer, a desvelá e punta pa bebe awa grátis na Kolegio San Luis Bertran na Rincon. 

Ta trata di e promé punta pa bebe awa(waterpunt) na Boneiru, promé skol, pa despues 3 skol mas tambe haña e punta pa muchanan bebe awa.   

“Ta importante pa mira yefrou i muchanan presente dilanti di e skol. Awe nos ta inougurá promé punta di awa. Ta masha importante pa nos tin awa i bebe. Awa mester ta aksesibel pa nos muchanan i pa esnan ku ta hasi uzo di e vèltnan den e área aki. Nos ke pa prensa tambe promové e bòternan di awa. Tur kaminda presentá kuné i asina yuda konsientisá otronan.”

E puntonan di awa ta forma parti tambe di un proyekto mas amplio pa promové bebementu di awa pa e hóbenan. “Awe nos ta lansa e kampaña tambe pa bebe awa. Nos a traha foyeto pa guia kon pa bebe awa i kua ta e bibida mas saludabel. 

Motivá

Pa motivá e mucha pa bebe awa, no por hasie un biaha. Mester sigui hasié ku regularidat pa poulatinamente konsientisá tur hende pa bebe awa. Ta e idea pa tur skol haña nan punta di awa.” Despues a desvelá e punta di awa na e skol”, asina Sharin Loozen-Janga

A menshoná tambe ku e punta di awa ta aksesibel 24 ora pa dia pa tur hende. No ta importá di kua bario bo ta.