KRALENDIJK – Ku e resiente kuminsamentu di buelo di Corendon pa i for di Boneiru, e isla a presentá su mes durant Corendon OpenDays, un evento di tres dia na Hulanda.

Tourism Corporation Bonaire (TCB), representá pa Marjolein Oleana, a duna presentashon inspiradó tokante e kalidatnan i diversidat uniko di Boneiru, orientá riba agentenan di biahe i konsumidornan.

E evento a atraé un públiko amplio: mas o ménos 100 agentenan di biahe Hulandes, 100 agentenan di biahe Belga i 700 potensial bishitantenan na e dia di konsumidó. Duranti e komberashonnan ku agentenan di biahe Belga a bira kla ku tin nesesidat pa kampañanan di promoshon spesífiko pa pone Boneiru mas na karta den Bélgica.

Momentunan sobresaliente

Momentunan sobresaliente di e OpenDays tabata e diskurso di bon bini di CEO di Corendon Gunay Uslu i e entrega simbóliko di e uniko bòter di awa di Boneiru na dje. 

Ademas, Corendon a anunsiá plannan pa habri un ofisina lokal na Boneiru. E partisipantenan tambe a disfruta di koktelnan autentiko di Boneiru, ku tabata di spònser pa Cadushy Distillery.

Ku e kampaña di promoshon aki, Boneiru ta tuma un paso importante pa aumenta su visibilidat riba e merkado Hulandes i Belga.