KRALENDIJK –  Classical Music Board Bonaire ta organisá dos konsierto di Pasku ku hopi ambiente na luna di dezèmber. Djasabra 14 di dezèmber bo por bai 7.30 di anochi Corallium Hotel pa un anochi yen di músika ku artistanan lokal. Un bibida di bonbiní i músika di harpa ta marka e komienso di e evento. Durante e presentashonnan bo ta haña Bradley Howard, kompañá pa Claudia Cassier riba piano i Alan Bowen riba saksofon, i un kor di mucha akompañá pa Hòfi Kultural.

Tambe lo tin presentashon sorprendente di dos talento hóben: Dimar Kalma riba piano i Tiger Frans riba saksofon.

E di dos konsierto ta tuma lugá riba 20 di dezèmber pa 7’or di anochi den misa San Luis Beltran na Rincon. Akinan po ta bai topa por parti e mésun artistanan, pero tambe sorpresanan nobo den ambiente di Pasku.