KRALENDIJK—Djasabra 7 di òktober, a tuma lugá apertura ofisial di Adoptiegrootouder 2023-2024. E aña aki, tin otro studiantenan i adulto mayó.  

Na e okashon Dietrich Winklaar, teamleider Dienstverlening, a bisa: “Ta un plaser pa nos ta presente. A prepará e studiantenan pa e estudio di Servisio (Helpende Zorg en Welzijn i Medewerker Sport en Recreatie nivel 2 di MBO). Nan ta pone den práktika loke nan ta siña den nan estudio. E tarea ta, atendé ku hende ku amor i dedikashon. Tambe nan a presentá 2 hende ku a hasi aña i kanta ku nan e mainta den klas.”

Lisette Wolff, direktor di unidat di MBO, a bisa: “Awe nos ta ku un programa tremendo. Hende nunka ta bira grandi pa siña kos. Mi ta deseá boso un plaser, ku nos studiantenan. Nos ta kontentu ku tin mas hende awe, ku tabata e kaso aña pasá. Mi ta orguyoso di e grupo di studiante aki i tur presente.”

Aktividat

Yefrou Suzy Bergland- Balentin, a splika kiko e studiante ta hasi na kas, di esnan ku nan mester pasa i duna atenshon.  Despues studiante nan, a para huntu ku e adulto mayó, ku nan ta bai bishita na kas i duna servisio. Un grupo a bai den un otro klas, pa tuma informashon di e di e hendenan, pa kontinuá ku e proyekto.