KRALENDIJK – Dia 8 di dezèmber e popular Rotarally ku Rotary Club Bonaire ta organisá tur aña, ta riba programa atrobe. E rally ta kuminsá na Kompleho Deportivo Boneiru na Kaya Amsterdam i ta kaba na Te Amo Beach. Despues di e rally tin un BBQ ku hopi ambiente i un bar ku kos di bebe.

E suma rekoudá di e rally ta bai pa bon kousanan na Boneiru, manera Fundashon Alzheimer, Fundashon Mantelzorg, Fundashon Plan di fakansi, Unkobon, Tera Barra i otro inisiativanan importante.

Bo ke partisipá? E ta kosta $75,00 pa outo, inkluso dos karchi di BBQ. Por kumpra karchi serka miembronan di Rotary, Sunbelt Reality, Luciano’s i Akkermans Auto Supplies.