KRALENDIJK – E siman aki a lansa ofisialmente e kampaña di konsientisashon MI TA, dirigí riba stimulá aktividatnan kreativo i kultural pa grandinan. E meta di e kampaña ta pa grandinan keda aktivo, ku un enfoke riba bienestar i kontakto sosial.

Grandinan por partisipá na un skala ámplio di aktividat na Boneiru, manera lèsnan di músika, tayernan di pinta, enkuentronan di kanto i charlanan. Hòfi Kultural entre otro ta organisá esakinan, Grupo-ZW i Sentro di Bario di Akseso. Segun partisipante Ubaldo Anthony ta hopi esensial pa ta kreativo: “Mi ta bisa tur hende pa no keda sinta na kas. Topa hende nobo, siña algu nobo. Bo kurason ta habri atrobe, bida ta flui atrobe.”

A lansa e kampaña, ku ta un inisiativa di Fundashon Plataforma Kultural den kolaborashon ku Stichting Zorg en Welzijn Groep (ZW-Groep Bonaire) i Entidat Públiko Boneiru, durante e Mainta di kuido den kadena Trahando pa nos grandinan. Organisashonnan ta hasi un yamada riba habitantenan pa yuda grandinan pa keda aktivo, tambe si nan tin limitashonnan, i duna nan asina e posibilidat pa biba kompleto.