KRALENDIJK- E siman di 18 pa 24 di Mart, Terramar Museum ta organisá  Boneiru su di tres Global Money Week (GMW). GMW ta un kampaña pa konsientisá  hóben riba e tópiko di finansa. E programa global aki ta organisá dor di OECD (Organisation for Economic Co-operation and Development). 

GMW ta un kampaña anual kaminda ta trese e importansia di sèn dilanti, informá i sigurá ku nos hóben nan, na un edat yòn, ta finansieramente konsiente i ku gradualmente ta gana e konosimentu, abilidat i aktitut pa hasi desishon nan finansiero korekto i a lo largu por yega na bienestar i resiliensia finansiero.

Charla

Diferente charla lo tuma lugá na skol di nos partner lokal, manera Ennia, Kámara di komèrsio, MCB i Qredits.