Cost.U.Less Kòrsou ta bai sera porta

WILLEMSTAD- Cost.U.Less Kòrsou ta bai sera su filial. Esaki e kompania a laga sa den un komunikado pa prensa djamars. E siere lo tuma lugá dia 28 di febrüari próksimo. 

“Lástimamente e operashon na Kòrsou no ta faktibel mas for di un punto di bista ekonómiko”, asina Kevin Proctor, direktor general di Cost.U.Less na Merka a laga sa. Segun Proctor, ta trata di un desishon ku nunka no ta fásil. 

Fiel

Proctor a para ketu tambe na e empleadonan ku pa hopi aña a sirbi e klientela di e negoshi situá na Jan Norduijnweg, igual ku e klientenan ku semper a kumpra na Cost.U.Less den transkurso di tempu.