DEN HAAG – Un delegashon di Tweede Kamer ta bini Boneiru i Kòrsou. E bishita ta kuminsá na Sürnam, kaminda e delegashon ta yega djasabra. E biaha ta dura nuebe dia i ta konsentrá riba e historia di sklabitut.

E biahe ta sirbi komo un preparashon riba aña 2023, ora ta rekòrdá ku 150 aña pasá a liberá e katibunan. Djes aña despues di e abolishon ofisial na 1863.

E delegashon ta presente na e konmemorashon di e luchadó pa libertat Tula riba 17 di ougùstùs. Tula a guia e revolushon grandi di katibu na Kòrsou na 1795 i tur aña ta konmemorá esei. E delegashon lo pone un krans.

Si e biahe ta un preparashon pa ekspresá nan èksküs pa e pasado di sklabitut ta keda un pregunta. Lider di delegashon Kiki Hagen di D66 ta bisa den Volkskrant ku e prosperidat, e rikesa di Hulanda pa gran parti ta debí na su pasado di sklabitut, pero na mes momenu ta bisa tambe ku e partido di  gobièrnu den koalishon mas grandi, VVD, no ta bini.

Esnan ku si ta bini ta miembronan di Kamer Salina Belhaj (D66), Inge van Dijk (CDA), Kati Piri (PvdA), Renske Leijten (SP), Jesse Klaver (GroenLinks), Don Ceder (CU), Marieke Koekoek (Volt) i Sylvana Simons (BIJ1).