Porsentahe di hende ku ta tèst positivo ta keda haltu

Kralendijk- Aunke ku e kantidat di kaso na Boneiru ta parse di ta sabilisando, e porsentahe di hende ku ta bai test i sali positivo, e asuna ‘positive test ratio’ ta keda masha haltu na Boneiru, ku kasi 44% di ayera pa awe.

Esaki ta un señal ku ketu bai tin hopi hende kontagiá na Boneiru, i nan ta sigui pega otro hende rondó di nan tambe.

Awe 24 di mart 2021 tin 455 kaso aktivo di Covid-19 na Boneiru. 3 di e kasonan aktivo ta bishitante di Boneiru. Di e 165 personanan ku a tèst ayera, 73 a resultá di ta positivo.

79 hende a rekuperá di Covid-19. En total tin 16 persona den hospital. Tin 6 persona hospitalisá na Boneiru. A transportá 4 persona pa hospital na Kòrsou i 1 persona pa hospital na Aruba.

3 personá ta hañando kuido intensivo den hospital na Boneiru.